شوية حكي
.
5 أغسطس، 2015
كمشة حكي حكيتها
شكيتها بعقد
وعطيتها
قلت يمكن
تعرف للحكي قيمة
وتخبي العقد
من حكي النميمة
تاري يا حسرتي
قلبها بعدو بكر
بعدو ما بيعرف
فنون المكر
ولانها بعدها
ولحد هلق بعدها
زغيرة عمر
المعترة
عملت من العقد
شقفة مسبحة
وصاروا محبين الحكي
والنميمة
لو انا عطيتها عقد
لو انا عطيتها مسبحة
ما عليش قلبنا طيب
والنية سليمة
وهالمرة عجبتني
كتير عجبتني
جيت حاكيها
وردتني
قالت يمكن الناس
لو شافوا بيعملوا من اللقمة وليمة
نيتها بعدها سليمة
بس كنير عجبتني
وصارت تعرف
للحكي قيمة
