الخميس، 6 أغسطس 2015

محمود الحجيري(*) بكير تا يخلق

SHARE

بكير تا يخلق

قلبك يا ابني بعد ما تلوع
بعدو اصفى من عيونك
بعدو متل قلبي
قبل ما يصير يتوجع
بكرا يا بابا
لما بيرميك الهوى
وقدام بنت زغيرة بتركع
بتصير عني تبعد همومك
بتخاف ما لومك
بس بتمنى
حدا شي يوم يتولدن معك
وعن حبيبة بيك يقلك
وتجي لعندي وتتشجع
وتضحك عليي
تكركجني
وتقول ياللي حاملو بقلبك
يمكن الماما تكون سراقة حكي
وحد شي شباك
واقفة بتسمع
وبرجع انا زغير وبضحك
وبعللي بصوتي شوي
تايسمع الشباك
وبقلك
لاء يا بابا  شو بدك بحكي الناس
محبوبتي لحبيتها امك
يا ابني بعد بكير تا تخلق
بعدني عم فتش عن الماما
البتكون عا ذوقك
بدي حبها
متل حب الحكايات
وبشي لوحة بدي ارسمها
خمسين ستين قصيدة وغنية
مفعمة بالمشاعر بدون الحان
حتى اذا صار ما صار
وبعدين صاروا الناس يتسلوا بالاخبار
تعرف انو اللي حبيتها امك

SHARE

Author: verified_user

0 facebook: