محمود الحجيري... جلسة شاي شيوعية لبنانية

11:39:00 ص

- يا رفاق انا بتعرفوني شيوعي وعلماني وما بتعنيلي الطائفة والمذهب بشي لكن انا مع السيد حسن مش لانو شيعي لانه بطل مقاومة وحرر الجنوب من الاحتلال واليوم عم يحرر سوريا من اهلها التكفيريين وبدنا نحافظ على ابن حافظ ومحور المقاومة ,
- يا رفيق انت لست شيوعيا اكثر مني لكن انت متعلق بوهم الولي الفقيه انا بحب لسعد مش لانه شاب حلو ومهيوب وسني كل هالخبريات ما بتعنيلي شي انا زلمة ملحد لكن بحبه كرمال ابوه لانه عمر بيروت وحاول يلمع صورة لبنان في الخارج وانتو الشيعة حرقتو دينه قتلتوه ويتمتوه , -التزم حدودك واحترم نفسك هيئتك مصدق المحكمة الدولية الصهيونية نحن لم نقتله ولك يا رفيق كيف بدنا نقتله وكان كل ما راح عالسعودية يجيب هدية تمر للسيد من مزرعة فدك فيها بركة اهل البيت
- طز فيكم وبشيوعيتكم يا رفاق انتو ناس طائفيين انا اهلي وجدودي دروز وانا مستحيل يقبلوني بالطائفة ويسلموني اسرار الدين لاني كافر وتاييدي لوليد بك مش لانه درزي وانا درزي بس لانه ابن المعلم كمال جنبلاط ويؤمن بالتقمص وفيلسوق وانسان اشتراكي ومثالي ولو كان اقطاعي والاهم حائز على وسام الرفيق لينين ,
- يحرق دينكم ودين شيوعيتكم انتو ناس مسلمين متخلفين مستحيل تصيروا شيوعيين ولو بدي شوفكم بعيوني ,انا ما بايد الجنرال لانه مسيحي او من اجل صهره جبران يروح يعصره برتقال ويشرب ميته , انا متضامن معه لانه ضحى من اجل المجتمع المسيحي ولبنان ومتل ما بتعرفوه انه هو علماني ولو طالب بحقوق الموارنة لهيك انا معه ومتحالف مع المؤاومة !
- هههه ضحى من اجل لبنان ؟ يا لطيف ! صارت العيشة بفرنسا تضحية ؟ وفي زنزانة اليرزة سياحة ؟ ومين سجن الحكيم اليس النظام السوري ونسيتوا حزبنا اول مصالحة عملها بعد الحرب كانت مع القوات وانا لهذا السبب بحب القوات والحكيم ,, 11 سنة يا رفيق تحت الارض طلع رجل متل الصوان بصلابته وحدا بدو يحطو حد واحد بدو دير الصليب
- انتو رفاق انتو بيجي الواحد ليفضفض عندكم بتحرقوا ربه وبتمصولو بردقانتو وبتسمولو بدنوا !! بخاطركم
- خدني معك يا رفيق ! انا ما فيي ابقى مع ناس عم يتامروا عالمقاومة ويزعجوا حليفنا القوي على الساحة المسيحية .. وما بيستحو وهم يقولون عن حالهم انهم شيوعيون خليهم يبنو الاشتراكية لوحدهم وعلى ذوقهم وبنشوف ...!
- يا رفاق عيب عليكم ارجعوا لنتفاهم نحن بنبقى رفاق وحاملين قضية واحدة
- اتركهم او الحقهم !!

- طريق بيتي عليهم كيف بدي اتركهم

شارك الموضوع :

إقرأ أيضًا